Tionscadal Meantóireachta BOO Chiarraí

Oibríonn Tionscadal Meantóireachta BOO Chiarraí le daoine óga 15 bliana d’aois nó níos sine ná sin ar bhonn duine le duine agus le cur chuige obair óige. Tugann Meantóireacht deis do dhaoine óga teagmháil a dhéanamh agus caidreamh láidir a bhunú lena meantóir. Leis an gcaidreamh dinimiciúil seo cuirtear cúnamh agus spás ar fáil chun na roghanna dul chun cinn uile a phlé. Trí phróiseas meantóireachta a reáchtáil, tuigfidh gach duine óg an bealach chun cinn is réalaíche agus inbhuanaithe dóibhsean agus déantar gach bealach dul chun cinn a chur in oiriúint don té atá i gceist. Féadann Meantóireacht a bheith ar siúl thar roinnt seachtainí nó roinnt blianta. Is é an duine óg a threoraíonn an seisiún agus bíonn an duine óg i gcroílár na gcinntí uile a dhéantar. Is seirbhís saor in aisce í Tionscadal Meantóireachta BOO Chiarraí agus tá sí ar fáil do dhaoine óga:

• a fhágann an scoil luath
• a d’fhéadfadh an scoil a fhágáil luath
• a d’fhág an scoil gan mórán den Ardteist déanta acu nó gan aon chuid den Ardteist acu
• nach as Éirinn iad agus nach bhfuil ar scoil
• atá ag freastal ar chláir agus/nó ar thraenáil
• a dtaitneodh cúnamh agus tacaíocht leo chun cinntí a dhéanamh maidir leis an méid atá siad ag iarraidh a dhéanamh amach anseo.